ناظريني .. ناظريني . .
وش بقى بس مني فيني .!
علميني ..

أكسري صمت الكلام وكلميني ..!
لاتحاتين الملام
ولايهمك من بنى مجده على كومة كلام ..
كلهم ذولا لئام ..
مايعرفون الغرام .!

يجهلونه ..
أو بدون احساس صاحي .. همهم يتجاهلونه.!

لو صدقتي .. ناظريني..
حسسيني بنور ينسف عالمً كله ظلام ..
لاتخليني مُقيّد .. انتظر لفتة سلام ..

وفهّميني . . ؟!

كيف أحبك . .؟
وآنا الي اليوم أجهل كيف مايوسعني قلبك.!

صدقيني ..

من طعوني مابقا فيني بقايا
وقلبي المُرهق من جروح الزمن ماله سوايا ..

بس أحبك..

واعرف أني لو صدقتي ..
راح احبك .. اكثر اكثر

من جروحً تنتظر منك دوى
ومن أحاسيسً تنفس بك هوى


آآآآه ... يا ما أقسى الحروف ..
لاتخلّت عن معانيها الظروف .!
تمسي تعيش بخوف
وتصبح على هالخوف.!

ناظريني ..

ناظريني من جديد ..
وعلميني كيف أشوفك ..
اقهري ظروفي وأنا بقهر ظروفك ..

وماعليكِ منهم

صدقهم لو يعرف وش معنى الهوى
ما تعلّى كذبهم

اتركينا منهم ... اتركينا منهم
وتعالي عندي وناظريني ..

وش بقى بس مني فيني .!





اخر النزف

ألم صادق / امل كاذب وتخمة جوع تزرعني
وتحصدني مشاوير العمر لاجل أسدل ستاري

هـموم تـشل مـشواري / مقاديرن تلوعني
تـمنيني بـداية درب ثـم تـشخبط أفكاري

واتـوه أكـثر اتـوه اكثر ولا أقدر أرجّعني
أطيح واذكر اني طحت واردد هذي اقداري.!