كثير ما نجد ردود تقول

كثير ما نجد ردود تقول


يعطيك العافية


تقبل مروري


تحياتي لك


هذي نلقاها بعد 98% او اكثر من المواضيع وانا واحد من اللي يكتبها

يعني تلقى عضو تعبان على موضوع ويمكن اخذ منه ساعة او اكثر وهو يكتب فيه ومتحمس وينتظر رد يثلج الصدر

ينزل لاول رد يلقاه تقبل مروري

والثاني يعطيك العافية

والثالث تحياتي لك

يعني اللي يرد على موضوع ما شده شي في الموضوع ويبي يعلق عليه

او انه ما قرى الموضوع بس نزل عند اضافة رد وكتب اي شي يجي في باله

عشان تزيد مشاركته

يا جماعه بسنا ردود قاتله لمواهب ولأحاسيس الكاتب

الا يستحق كاتب الموضوع ان نعطيه 5 دقايق من وقتنا ونبادل الافكار او المشاعر او الاعجاب بما كتب

ولإبداء الراي في موضوعه

انا ما يغبّنّي الا واحد يدخل يرد على موضوع في النقاش الجاد ويقول تقبل مروري

يعطيك العافية اخوي اجهد عمرك بالرد ليه ما كتبت يعطيك وانا بعرف الباقي او عشان الرد لازم يكون اكثرمن 10 حروف؟؟


ليه ما تطرح وجهت نظرك للاخرين ونسمع وش رايهم في ردك؟؟؟

تخاف من اختلاف وجهات النظر؟؟؟

واذا صار يعني بنقص من عمرك شي؟؟؟

واللي يزيدني غبن انك تدخل على موضوع وترد عليه رد تتعب فيه واللي بعد يرد ب يعطيك العافية

وتلقى كاتب الموضوع راد عليكم كلكم ويقول

اشكر تواجدكم ونورتوا موضوعي

يعني صاحب الموضوع عنده كلكم سوا اذا رديت برد مختصر

او رديت برد جميل وابديت وجهة نظرك وتعبت وناقشت وتنتظر رد من صاحب الموضوع عشان يتواصل النقاش في

الموضوع

هل تجازي من قرء موضوعك بتمعن ورد عليه رد مليئ بالافكار ووجهات النظر بمن مر على موضوعك مرور الكرام وحط

لك (يعطيك العافية )على الماشي

حتى ولو كان الموضوع منقول ألأا يستحقك اكثر من يعطيك العافية؟؟؟؟

وانا شفت كثير من ردود لاعضاء نفسها بالضبط يعني السالفة كلها نسخ ولصق

يكتب موضوع ويجهز اللصق بعد كل رد كنه يقول اخلصوا على ماني فاضي لكم؟؟؟

انا ما اقول ان الردود المختصرة غلط او شي سيئ

بس كل شي وله وقته ومكانه وما ارفضها بس اطلب تقنينها.

عاى فكرة انا ما اعم على جميع الاقسام

انا اخص منتدى النقاش الجاد وبعض المواضيع القابلة للنقاش في اي قسم كانت مثل الحياةالزوجية او غيرها



وغير كذا عندي طلب بسيط بالنسبة لقسم النقاش الجاد

اذا دخلتوا ورديتوا رد على موضوع في القسم يا ليت لو ترجع على الموضوع مرة ثانية بعد فترة وتشوف وش دار في

الموضوع
يمكن يكون جد جديد وحصلت تطورات في الردود وفيه اعضاء ينتظرون رايك

يعطيكم العافية آسف ان كنت اطلت عليكم

واعتذر ان عكرت مزاج احد او كنت حاد في اي كلمة وربي انا ما اقصد الاساءة لإحد

بس ابي افك قيد ما بداخلكم من ابداع اسير كلمة تقبل مروري

وموضعي كله كان بدافع الغيرة على ابداع وفكر العضو الدفين.

وبدافع الرقي بمستوى هذا الصرح الرائع الى الأروع

وتقبلوا موضوعي