اش موقفك بصراحه؟؟

السلام عليكم كيفكم ان شاء الله تمام التمام
المهم وانا خيتكم نخش بالسولافه علطول................
اليوم وانا جالسه لا ليا ولاعليا الا وتجي الوالده وخالتي يسولفون بذاك الرجال اللي طارت عنوووووني من سالفته وقلت اخذ رايكم.....
كان ياما كان في قديم الازمان............فيه واحد زواجه بعد يومين وجالس مع اصحابه وهات ياسوالف وضحك الا واحد قال
الصاحب:الا وش رايك يابوفلان
المعرس:رايي في ايش
الصاحب:نرمي لك انا والشباب من 10000ريال
المعرس اللي راسه دار ولعابه تقاطر من الوناسه:ما اقول لا ههههههه
الصاحب:بس بشرط
المعرس:اللي هو؟؟؟؟
الصاحب:تخلي زوجتك تطبخ لنا ذبيحه بيوم عرسك وبكذا تكسب عصفورين بوقت واحد تكسب الفلوس تعوض بها خساير العرس وتتاكد ان زوجتك اجوديه؟؟؟؟؟؟؟؟؟؟؟؟
المعرس بعد تردد واضح:مدري وش اقول لكم ماتحسوها صعبه شوي..........
الصاحب بكيد واضح:براحتك يابو فلان بس تراها مليون مهيب سهله حنا عشر وعليك الحساب؟؟؟؟؟؟؟؟؟(الله ياخذه من صاااحب خخخخخ)
المعرس:خلاص توكلنا على الله وربك يسهل
.................................................. .................................................. ..
العروسه المقروده كاشخه بعمرها ومستانسه ماتدري وش مدبر لها وبعد ما خشوا الغرفه(احم احمممم عيب عمضوا عنوووونكم ههههه)
كانت متوقعه شي ولقت شي ثاني الرجال مو على بعضه شوي الا الجوال يدق ويرد عريس الغفله لقاه صاحب السوء(عساااه مايعرس ان شاء الله)
لما قفل شافت وجهه الوان قالت بحيا
العروسه المقروده:خييير فيه شي
معرس الغفله:مدري اش اقولك امممممممم متردد
العروسه المقروده وقروون الاستشعار بدات عملها:خوفتني اهلي فيهم شي؟؟؟اهلك؟؟؟تكلم واللي يرحم والديك........
معرس الغفله:زي ماانت عارفه حبيبتي(حبته ام اربع واربعين) اصحابي اللي جايين من ديرتنا عشان يحضرووون زواجي ماوصلوا الا تو ....................و ........... و...........
العروسه المقروده مبققه عيونها تحاول تفهم شي:فلان اش فيك تكلم
معرس الغفله:والله ياروحي مدري اش اقووول بس اش رايك حبيبتي تقومي تسوين لنا عشاء خفيف لانهم جايين بالطريق وانا...
تقاطعه العروسه المقروده وقلبها يرقع رقعا مدويا:فلان؟؟؟اش تقول انت؟
معرس الغفله واحس ان الامور تفلت من يده:وربي ياروحي اني مابيهم بس هم ناس وسيعيين وجه وبيمشون يتكلمون فيني وانت ماترضيها يتكلموا على زوجك والساعه 3الفجر وين بلقى مطعم فاتح؟؟؟
وصدقيني جميلك مابنساه لك طووول عمري؟؟؟؟
العروسه المقروده وهي تصارع المها :اوكي اطلع ببدل بس؟؟؟
معرس الغفله وهو مبسوووط:لاعدم ولاخلى ابد يا قلبي
العروسه المقروده في خاطرها:عسى قلبك الفضخ اااامين
.................................................. .................................................. .
شوي الا تخش المطبخ وتشوفه فاضي
العروسه المقروده:فلان المطبخ فاااضي
معرس الغفله:لاياروحي الذبيحه مقطعه بالثلاجه وخيشة الرز عندك والخضار تحت عندك يالله جو بروح استقبلهم اذاخلصتي دقي الباب
العروسه المقرودة بعدما غادر بذهوووول:ذبيحه؟؟هذا عشاء بسيط يسميه؟؟؟؟؟؟؟؟؟؟
وتبدا هذه العروسه بالبنفخ والطبخ وفي خاطرها تقووول مابرجعله بعد هالليله لويتشقلب بالهواء (خخخخخخخخ)
المهم من بين انينها ونواشيقها انتهى العشاء وحطته في غرفة الضيافه ودقت الباب وسكرت على نفسها بغرفتها تجمع قشانها(ياحررررررررام)
معرس الغفله طلع دورها مالقاها ناظر للعشاء بزهو:ياحظي والله بهالمره السنعه
قلط الرجال وامدحوا بالطبخ وتعشوا(جعلهم الماغص)واعطوه الفلوس وسروا
.................................................. .................................................
لمارجع معرس الغفله للغرفه لقاها مقفله ابتسم وقااال
معرس الغفله:حبيبتي
العروس المقروده:انقاع حبتك القراده(امزح ماقالت كذا هذا انا ودي اقوووولها له خخخخخخخخخ)
العروسه المقروده:رووح خلاص ما قصرت اللي جاء منك كفايه
معرس الغفله:افتحي بس ياروحي انتي بوريك شي
العروس المقروده:لا مابي اتركني بحالي
معرس الغفله:يدي انجرحت مدري اش اسوي فيها؟؟(ليتها رقبتك مو يدك بس)
العروسه المقروده وهي تتنافض خوفا:اسم الله عليك لحظه بس(ياعمري علينا يالحريم نهبل)
وانفتح الباب باس راسها واعطاها المبلغ(مليووون وناسه) وقال لها:هذا ياعزيزتي اختبار بس لمدى حبك لي واصلك ومعدنك
ابتسمت الخبله العروسه بحياء :وش كانت النتيجه
معرس الغفله:طلعتي بنت ناس اجواااد ومعدنك ذهب
الخبله العروسه:بس؟؟؟؟؟؟؟؟؟؟؟
معرس الغفله:وتحبيني وانا اموووووووووووووووووووت فيك
.................................................. ..................................................
الحين بالله اش رايكم وتايدون موقف الحرمه او لا واش رايكم بموقف المعرس اللي طاااع اصحااابه وضحى بليلة العمر وذكرياتها عشان فلووووس بس

اذا كانت القصه مكرره اعذروني بس انها اعجبتني وقلت انقلها لكم من براطم الوالده وخالتي لمنتداكم الغالي وهي لسه حاااااره خخخخخخخخخخخخخخخخخ لا تحرموني من تعليقاتكم