الراتب الله يقطعه

مرحبا
كيف حالكم
اليوم جايبه موضوع اتمنى نناقشه بحكمه
هالايام هذي كل ما جاء احد بتزوج قال ابغاها موظفه واذا سالناه عن السبب قال الحياة صعبه ابغاها تكفي روحها بس انا مابي منها شي لازم التعاون
كل هذا الكلام على راسي من فوق بس تتوقعون هل هذا هو السبب الرئيسي او ان الرجل في جعبته مطامع اخرى
الشرع يقول الرجل مجبر على النفقه على المراه حتى لو كان عندها راتب
بس الرجل شوي شوي لحد مايسلب المراه كل ما عندها
والا يبنون سوى بيت وما تدري المنحوسه الا متزوج عليها ومسكن حرمته الجديده فيها:eek:

ادري ادري لا تقولون الرجال مو كلهم كذا انا عارفه وربي انه فيه رجال كويسين بس السؤال ماهي الحدود للعطاء؟؟؟

عشان الرجل مايستخف بالمراه ولياقرب الراتب جاء حضرته وجت الرومانسيه والحب المفاجيء

لنحاول نبعد عن الرومانسيه شوي ونفكر بعقل
انا اعرف وحده تقول اول 5 سنوات كنت اسلف زوجي لاحظوا سلف ويرجعهم لها وولما تاكدت ان زوجها حقاني صارت تعطيه عيونها كمان اذا طلبهم

ووحده ثانيه تقول يصرف كل اللي معاي وبعدين نبدا نصرف من راتبه؟؟؟؟؟؟؟

مساله حساسه جدا ويبغى لها تفكير شوي جاد.......
ياكثر الحريم اللي مايبان بعيونهم شي بس على الكفه الثانيه فيه رجال مايشبعون من الطلبات

ماهي الحدود كل واحد يكتب وجهة نظره اللي مقتنع فيها عشان نستفيد كلنا

.................................................. ...................................