بنـــاتنــــا والطفش !!

بجد وضع بناتنا وخصوصا في الرياض يضيق الصدر

طول الوقت جالسة عند الدش

وماسكة الريموت .. ومن الطفش بس تقلب في القنوات لين تجي الساعة ..,1 صباحاً

بعدها تشغل الفيديو وتشوف لها فلم وبعدين تنوم
وبعضهن ماهي مقتنعه بالتلفزيون فيه بديل النت وصفحاته .


واذا صحت ما تقوم من فراشها لانها خايفة من الطفش ..
ودها تنوم اكبر وقت ممكن

واذا صحت نفس الموضوع ... تجلس عند الدش ليـــــــن الساعة وحدة واذا فيه

فلم تشوفه واذا مافيه تنوم وتغصب نفسها على النوم ..

ولا تجلس على الأرض .

تجلس على ( المركى ) ويد على خدها ويد ماسكة الريموت

تخيلوا من قوة الطفش شلون جالسه ..

أقسم بالله منظر يضيق الصدر ودايم يجي في بالي .

لا انشطة اجتماعية ولا ثقافية ولا أندية رياضية واي بنت تدخل نادي رياضي احتمال

معد تتزوج لان المجتمع بيوصفها بأوصاف قبيحة

يعني بلد ساده مافيها شيء


المشكلة الفراغ هو سبب ضياع اكثر البنات خصوصا الوقت اللي عايشين فيه .
لو ماكان اجتماعيا اكيد نفسيا .
يعني حياتهم كلها شاشات في شاشات ياتلفزيون ياكمبيوتر ياجوال .
ولا يهون الحر والزحمة يعني ياصبر بناتنا وربي .

وش رايكم مهوب كارثة ترتكب بحق انسان .


ابي رايكم وش الحلول او المقترحات .

اخوكم صعب السؤال
نصير المرأة