روايه هذا حالي بعـــــ فرقاك ـــــــــد

السلام عليكم ورحمة الله وبركاته
عندي لكم روايه حلوة اتمنى تعجبكم وتتفاعلوا معي
واشوف ردودكم الحلوة
هيا روايه منقوله بس جدا رائعة واسمها
=== هذا حالي من بعد فرقاك =====
البارت الاول:

في اول ايام الصيف قررت عائلة ابو تركي و عائله ابو عبدالعزيز انهم يسافرو جده لرغبت اولادهم.

عائله ابوتركي:

ابوتركي :العمر(45) تاجر معروف ويحب الشغل كثير وماخذ نص حياته وقلبه طيب حنون على اولاده .

ام تركي:العمر(39) ام مثقفه مره ومتعلمه وسياستها في التربيه جدا رائعه واولادها متعلقين فيها بشكل غير طبيعي.

تركي: العمر(24) وهو احد ابطال القصه شاب وسييم مره ومتعلم وهذه السنه كانت اخر سنه له في الجامعه رومنسي وطيب لكن احيان يكون عصبي اذا زعل بسرعه يرضا .

ندى: العمر(21)وهي وحده من الابطال هي البنت الثانيه مررره جميله هذي السنه الثانيه لها في الجامعه رومنسيه لابعد الحدود مررره حنونه..

محمد:العمر( 16) وهو اخر العنقود ومدلع مرررره والسنه الجايه بيروح اول ثنوي متعب اهله مره وعنادي بطريقه فضيعه وكل طلباته مستجابه بس دايم يحاول يكسب ندى بصفه

عائله ابو عبد العزيز:

ابو عبد العزيز : العمر(43) اخو ابو تركي يحبو بعض مرره وعلاقتهم متماسكه ويشتغل بنفس مجال ابو تركي..

ام عبد العزيز:العمر(38) قلبها مره حنون على اولادها ودايما على نياتها.

عبد العزيز: (25)هو احد ابطال القصه وسيم خلص الدراسه وبيشتغل مع ابوه يحب تركي وعلاقتهم مره متماسكه جاد مره واحيانا يعصب يفكرمن جميع النواحي وكثير يستشير تركي بالامور الخاصه.

متعب:العمر(23) ما ينتمي كثير لعائلته مره مع اخوانه غامض مره موسهل مو شغلومن تحت لتحت.

دلع:العمر(18) هي وحد من ابطال القصه مره جميله ذكيه ورومنسيه اكثر من ندى اسرارها كلها عند ندى

طبعا الباقي راح نتعرف عليهم بعدين. .

في بيت ابو تركي الساعه9:30الصباح: تركي: ندىىىىىىىىى يلا تاخرنا .

ندى: طيب الحين جايه لحظه بس .

تركي: ما في لحظه او لحظتين مررره تاخرنا يلا بسرعه .

ندى: وهي نازله تتافاف خلا ص نزلت ارتحت الحين.

تركي وهو يبتسم: صباح الخير لاحلى اخت في الدنيا.

ندى: دايما تسكتني وتحرجني صباح النور لاحلى واجمل اخ .

محمد:اوووف خلاص يكفي مو اخوان طالعين روميو وجولييت.

ندى : وانت بعد صباح الخير لاحلى اخ.

محمد: احم احم شكرا بس كانك نسيتي اجمل اخ بالدنيا.

ندى: كفايه عليك صباح الخير وراحت عنهم وهي تصلح حجا بها.

تركي:محمد يلا شيل معي الاغراض .

حطو الاغراض بالسياره ومشو عالمطار وكان بيت ابو عبدالعزيز هناك ينتظروهم ,تقابلو وسلمو على بعض ,

راحت ندى ودلع يقعدون ينتظرو رحلتهم .

وهما يتكلمو, دلع:ياالله مرره خايفه من النتيجه بتطلع بعد يومين .

ندى: لا تخافي يالدافوره اكيد بتجيبي درجه حلوه ترفع الراس.

دلع: ربي يسمع منك.

طبعا طول الوقت كانت دلع تناظر تركي وهو يناظرها ويتبسم لها وهي تحمممر من الخجل.

ركبو الطياره ووصلو جده وراحو الشاليهات واول ما وصلو راحو يرتاحو ويرتبو اغراضهم.

على المغرب طلعت دلع تتمشى شوي وهي تتمشى حست باحد وراها لفت عشان تشوف طلع تركي يلاحقها طبعا هي كانت تحس انو بيغمى عليها بس مسكت اعصابها وكملت طريقها و لا كلمته لحقها وقال:دلع كيفك؟

دلع وصوتها يدوب ينسمع: الحمدالله تمام.

تركي : طلعت النسبه ولالا .

دلع : لا لسه باقي يومين .

تركي : الله يوفقك

دلع: امين.

تركي: انا عندي هديه ليكي بس تتطلع النسبه

دلع باستغراب: هديه لي انا ايش هيا

تركي: كل شي بوقته حلو

دلع : اوكي نستنى ونشوف

وكملو مشيهم وهو يكلمها وهي تكلمه ومندمجين بالكلام الا شوي يسمعو احد يصرخ وراهم دلللللللللللللللللللللع اوريكي وانت يا تركي انشا الله كل شي عند بابا لفو لقوها ندى, دلع وخرت شوي عن تركي قربت ندى اوريكي وانت انقلع عن وجهي قرب تركي عند ندى وضربها براسها بقوه وقال: الله يثبت عقولنا ويشفي مرضانا المجانين وراح.

دلع قعدت تضحك عليه وندى كان ودها تذبحو بهذيك اللحظه لفت ندى لدلع وشرارات تطلع من راسها:

ندى:طيب يا حماره تتمشي مع اخوي ومندمجين بالكلام ولا تنادوني معاكم ليه ايش كنتو تقولو بسرعه قوليلي .

دلع تبغى تصرف الموضوع: سلامتك كنا نتكلم عنك بس.

ندى باستغراب: عني انا ؟

دلع: يب.

ندى: ايش كنتو تقولو عني.

دلع: ابد بكل خير.

ندى: دلع بتقولي ولا اعطيكي كف يوصلك لرياض وتسيري على بيتكم شوي.

دلع تستفزها: سر ماني قايلتلك واذا على الكف (وهي تمد خدها لندى)انا اساسا محتاجه كم غرض نسيتوا بالرياض ابغا اجيبو.

ندى وهي معصبه: من عيوني ياحلى نوف ,واعطتها كف وهربت.

دلع تمسك خدها لانها تعورت وهي تلحقها: اوريكي يا زفته والله لاتندمي.

ندى تركض وتناظر دلع الا شوي صقعت بشي قوي طيحها على الارض مسكت كتفها من الالم وناظرت المسكينه فوقها تلاقي واحد من الساكنين جنبهم بكل اهتمام يناظرها قالت ولسانها منربط وهي تتالم:انا اسفه ما شفتك..

قالها:اناالي اقول اسف لايكون تعورتي .

قالت وهي تتالم:لاعادي ما صار شي.

مد يدو لها عشان يساعدها لكن في هذيك اللحظه جت دلع .

ندى: لاشكرا .

دلع وهي خايفه : ندى تعورتي والله اسفه.

ندى تناظرها نظرات شر: امسكي يدي خليني اقوم .

دلع مسكتها وقومتها لكن ندى المسكينه رجلها انلوت وما قدرت تمشي جت دلع مسكتها عشان تسندها وهي رايحه قالت ندى: انا من جد اسفه على الي حصل.

قال : لا مافي مشكله بس تبغيتي اوديكي (وهو يناظر رجولها)شكلهارجولك انلوت.

قالت :لاعادي بروح مع دلع.

دلع: ندى يلا خليني اوديكي.

ندى: اوكي يلا باي .

قال: باي ندى, قال اسمها بصوت واطي لكن هي سمعته.

وراحو الشقه واول مادخلو ندى قعدت حست ان رجولها انكسرت من كثر الالم صارت تصرخ ,.

ندى: دلع بسرعه نادي تركي.

دلع :الحين رايحه.

راحت دلع تنادي تركي لقته واقف مع الشاب الي قبل شوي كانت ندى تكلمه والي صقعت فيه.

دلع : تركي تعال شوي لوسمحت.

تركي لف وراه لقاها دلع: اوكي الحين جاي.

تركي: اوكي تشرفنا بمعرفتك خليني اروح اشوف ايش صارلها يلا باي.

فهد: اوكي باي.

فهد:العمر (26) شاب وسيييم,يشتغل في البنك,غامض,ومعتمد على نفسه..

راح تركي ودلع لندى لقوها قاعده تبكي من الم رجولها.

تركي شال ندى بحضنه واخذها للمستشفى ودلع معاهم.

ندى للدكتور: رجولي مني قادره احركها

الدكتور:بسيطه مافيها شي بس انلوت بسيطه.

ندى: يعني ما بمشي عليها

الدكتور: لازم ترتاحي ولاتحركيها من دون عكاز

ندى شوي وبتبكي: لا ما ابغى انا ماني عجوز

الدكتور: العكاز مو للعجايز بس

ندى وهي مهزومه: اوكي .

طلعو من المستشفى وركبو السياره وهم في السياره

تركي وهو ماسك ضحكته: ايش حصل ياندى

ندى بكل احراج:وانا اركض من الزفته دلع صقعت بواحد ورجولي انلوت .

تركي: مين هذا؟؟

ندى:وانا ايش يدريني.

تركي:اظن اسمه فهد

ندى بكل استغراب: انت ايش دراك عن اسمه اذا انا ما اعرف انت كيف عرفت

تركي: لانو كلمني.

ندى شهقت : ايش قلك اكيد قال اختك حوله ما تشوف او عميه او هبله صح

تركي وهو يضحك: لا والله بس كان ودو يجي معانا المستشفى عشان يطمن عليكي

ندى وجهها صار احممممر : بس كذا قال

تركي: لا واعتذرلي على الي صار صراحه الولد مرره مؤدب واخلااااق.

ندى اكتفت بالسكوت لانها انحرجت من كلام تركي, وصلو الشاليهات نزلت دلع من السياره وتركي راح لندى عشان يشيلها بس هي رفضت لان ذاك الوقت كانو كل الناس قاعدين برا بس مشت بالعكاز وكانت رجولها ملفوفه بشاش وهي رايحه البيت لقت فهدقدامها ولما شافها هي نزلت عيونها ومشت من جنبه وهو راح لتركي يساله

فهد والخوف على وجهه: سلامات ايش حصل.

تركي: لا مافي شي بس انلوت

فهد: معليش والله سامحني انا الغلطان

تركي: اساسا هي الغلطانه هي الي ماشافتك بعدين دلع بنات لا يهمك.

كملو تركي وفهد طريقهم وقعدو يتكلمو ويتعرفو على بعض اكثر وهم بالطريق جا عبد العزيز وهو مستغرب مين الي جنب تركي قرب عبد العزيز منهم وقال:هاي

تركي : هلا وغلا واشر على فهد وقال لعبد العزيز: هذا فهد .

سلم عبد العزيز على فهد : انا عبد العزيز تشرفنا بمعرفتك.

وقعدو يتكلمو وعبد العزيز وتركي مررره اندمجو مع فهد .

وهم يتكلمو ويتمشوا شافتهم دلع وراحت بسرعه لندى وهي داخله سويت ندى لقت ابوها وامها قاعدين عند ندى دخلت وسلمت عليهم وقعدت.

ابو تركي: سلامتك يابنتي ما تشوفي شر.

ام تركي: ياليتو فيني ولا فيكي

ندى: لا ماما عادي ما صار شي

قام ابو تركي عشان يطلع وهو طالع قال لندى: ياحبيبتي اذا الالم زاد قوليلي وطلع.

ام تركي : انا بروح اريح شوي اذا تعبتي دلع عندك خليها تناديني وانا بجي على طول.

طلعت ام تركي من الغرفه.

دلع بحماس: تخيلي مين شفت قبل شوي

ندى باسغراب ولقافه: ايش قولي بسرعه

دلع: تركي وعبد العزيز قاعدين يتمشو مع فهد شكلهم دقو صحبه معاه.

ندى:مين فهد؟

دلع:ياغبيه الي صقعتي فيه.

ندى شهقت: كذابه قولي انك كذابه.

دلع بجديه: والله اني اتكلم من جد.

ندى: يالله ياربي ايش الاحراج هذا اوووووف انتي السبب يادلع.

دلع: وانا ايش دخلني.

ندى: لو ما لحقتيني ماكان صار الي صار.

دلع تلعب دور البريئه: انا اسفه.

ندى: خلاص سامحتك.

دلع: ندى ايش رايك نطلع برا نغير جو والحين كل الامم برا اكييييييييييييييييييد وناسه.

ندى:لا والله ما اطلع وانا بهالمنظر.

دلع: لوسمحتي هنا مررره ملل .

ندى:لاتحاولي.

دلع:يلا ندى الله يخليكي .

ندى:اووووووف خلاص طيب .

دلع:كنت عارفه انك بتوافقي.

قامت دلع وساعدت ندى وطلعو وقعدو على احدى الكراسي الي برا وهما قاعدين فجاءه يجي عبد العزيز من وراهم.

عبدالعزيز:هااي ندى

ندى:اهلين.

عبدالعزيز :سلامات ماتشوفي شر.

ندى:الشر مايجيك.

عبدالعزيز والضحكه على شفايفه:مين سوى فيكي كذا.

ندى وهي معصبه:اختك البايخه.

عبد العزيز: لسه الحين تعرفي انها بايخه.

دلع:خيييييييييير تراكم زودتوها.

عبدالعزيز شاف فهد وتركي يتمشو .

عبد العزيز وهو يصرخ:فهههههههههههههههد ترررررركي تعالو هنا .

ندى المسكينه كانت حالتها حاله مرره توترت وحست قلبها يدق بس ماتعرف ليش .

جاءو ,تركي مسك يد ندى:هاحبيبتي الحين احسن.

ندى وصوتها يدوب ينسمع:لا عادي نفس ما هو.

فهد:سلامات ندى انا غلطان لاني ماانتبهت.

ندى لما سمعت اسمها صار وجهها احمر:الله يسلمك ماصار شي وانا الغلطانه.

فهد:الحين تعورك مررره ولا عادي, شويه الم خفيف.

ندى:عادي مو مره تعورني,وقامت لانها ماقدرت تستحمل الوضع اكثر:انا بروح انام تصبحو على خير .

وصلت غرفتها حاولت تنام لين ما جاها النوم ونامت .

الساعه3:30الفجر قامت وهي تحس انها مكتومه قررت تطلع يمكن يخفف الكتمه الي تحس فيها.

طلعت برا كان الجو رطوبه بس فيه هوا حلو قعدت على الرمل ودخلت اصابعها جو الرمل البارد والمويه تيجي لاطراف رجولها وتروح وكانت تتامل وقت الشروق كان منظرها مررره حلو.

فهد وهو واقف وراها:ليه مانمتي.

ندى انفجعت لانها ماكانت حاسه فيه:ما جاني النوم.

فهد:ماجاكي النوم-وكمل وهو يناظر يدها الي على رجلها وباين انها تتالم- ولا رجولك توجعك.

ندى سحبت يدها من على رجولها:رجولي,بس عادي شوي توجعني - لحظه صمت بين الطرفين- شوي جت نسمه هوا طيرت بعض من خصل شعرها واعطاها منظر جذااب وحست ببروده قررت تقوم لسه بتمشي رجولها عورتها طاحت على الارض:اييييييي .

فهد خاف عليها نزل لمستواها :ندى ايش فيكي تعورك.

ندى تحاول ان دموعها ماتنزل:لا عادي بس ابغا اروح للبيت فهد لوسمحت وديني للبيت.

فهد حس بشعورغريب لما سمعها تقول اسمه وقال بكل حنان:حاضر يلا قومي .

قومها واسندها عليه ومشاها لين البيت لين ما وصلت للباب لفت عليه:شكرا .

فهد:لاتشكريني ماسويت شي.

ندى:اوكي فهد تصبح على خير.

فهد ونفسه يطير من الفرحه- ياحلو اسمي من فمها- :وانتي من اهله.

ودخلت الغرفه وتحس باحساس غريب حطت راسها وناااااااااااامت.

الساعه 12:15الظهر ,دلع:ندىىىىىىىى يلا قومي يكفي نوووم .

ندى :حاضر الحين بقوم تراكي ازعجتيني.

قامو العيلتين وتغدو مع بعض بعد الغدا طلعوا البنات يتمشوا وهما طالعين لقو فهد واقف مع تركي كملو طريقهم وتمشو :

دلع :بكره النتايج.

ندى :الله يوفقك.

دلع:مررره خايفه.

ندى:ليش الخوف اكيييد بترفعي راسنا.

دلع:امييييييين الله يسمع منك.

شوي تركي راح يتطمن على ندى هو وفهد.

تركي :ها ندوش كيفك اليوم.

ندى:الحمدالله احسن .

تركي:اكييييييد؟

ندى:أي والله .

دلع:تركي ترا بكره النتايج.

تركي:وانا عند وعدي

ندى باستغراب:أي وعد.

تركي:شي بيني وبينها.

ندى:براحتكم مصيري بعرف.

فهد:ماشاء الله انتي توجيهي .

دلع:ايوا واخيرااا خلصنا القرف.

فهد -لازم اعرف عنك كل شي (ياندى)-:وانت ياندى مثلها توجيهي.

ندى: لا انا خلصت من سنتين والحين بالجامعه.

فهد :ما شاء الله وكم كانت نسبتك في ثالث؟

ندى:98يعني ممتاز

فهد:ما شاء الله.

تركي :ايش رايكم نروح جينغل لاند نلعب ونرجع ايام الطفوله.

دلع بتايد:ايوا والله وناسه.

ندى ومطلعه برطومها:انا ما اقدر انتو روحو.

تركي:يازين الدلع, بس ولا يهمك بعوضك بطلعه ثانيه.

فهد وهو يناظرها –والله انك حلوه وبكل حالاتك حلوه-:انا كمان لا ما اقدر اجي.

تركي:ليه تعال وناسه.

فهد:عندي كم شغله اسويهم قبل ما ارجع الرياض.

ندى انبسطت لما عرفت انو يعيش بالرياض يعني اكيد بتشوفه بعد السفر.

تركي بسعاده :انت عايش بالرياض.

فهد:ايوا ليه ماقلتلك؟

تركي:لا ,حتى احنا عايشين هناك.

فهد:اجل لاتقاطع بس تروح الرياض.

تركي:اف كورس.

دلع:الحين بنروح ولا لا؟

فهد:ايوا قولي لعبد العزيز ومتعب وانا بقول لمحمد .

ندى:انا بدخل جوا هنا مره حر. وهي رايحه فهد يلاحقها بنظراته .

ندى وهي تكلم: الو هاي ريم كيفك مرررره اشتقتلك.

ريم:صاحبه ندى مررره من المتوسط متعلقين ببعض ونفس التخصص ونفس الجامعه ونفس الذوق كانهم توام.

ريم وهي تصرخ:ندىىىىىىىىىى اشتقتلك مررره يادبه.

ندى وهي تبكي:كيفك؟

ريم:عال العال.

ندى وهي مبرطمه:مبسوطه

ريم :طبعا لاني بجي عندكم جده .

ندى:كذااااااابه.

ريم:والله ما امزح بس بدون بكي.

ندى:متى رحلتكم؟

ريم:بكره الظهر

ندى:الله وناااااسه .

ريم:اوكي حبيبتي انا الحين بقفل الخط.

ندى:اوكي بااااي.

ندى:مامااااااااااااا

ام تركي:نعم يابنتي؟

ندى:ريم بكره بتيجي.

ام تركي:الله يجيبهم بالسلامه.

طبعا محمد وتركي وعبدالعزيز ومتعب ودلع راحو الملاهي يلعبو ماخلو لعبه الا لعبوها حق كبار او حق صغار .

دلع تدق الباب غرفه ندى:ندى افتحي الباب

ندى قامت وفتحت الباب:رجعتو.

دلع دخلت ورمت نفسها على سرير ندى:ايوا

ندى: ايش صار لك انت وحبيب القلب اخوي

دلع مسكت المخده الي جنبها بالسرير ورمتها على ندى:لا تطلعي اشاعات ياحبيبه فهد.

ندىشهقت:واللللللللللللللللللله لا اوريكي ياحيوانه انا ما احب احد يا مراهقه بس اوريكي ومسكت كريم ورمتو على راسها.

دلع:ايييييي والله توبه.

ندى :كلي هوا ولا تكلميني وبسرررعه برا.

دلع وهي تطلع :ياحبيبه فهد ,وركضت.

ندى:اوريكي بس اتعافى.

مر يومين وطبعا ريم اتاجلت الرحله حقها وندى وفهد كل مالها العلاقه تتعمق وهو صار واحد منهم وكثير يروح معهم بحكم انو اهله مو هنا بالرياض وتركي ودلع نفس حركاتهم طبعا دلع توترت مرره لانو النتيجه ما وصلتها بس اليوم بتكون نزلت بالجرايد.

هذا البارت الاول اتمنى يكون عجبكم ولاتحرموني من ردودكم الحلوه