جديد *** ((وش رايكم حصري ولا بدون))

الوقـت جننـي وانـا جننتـه ******** والكـل منـا مرتكـي للثـانـي

شفته يلاعبني وانا لاعبتـه ******** بالحبـل اشـده وارخيـه لاجانـي

يحلف وحلفه ماسبق صدقتـه ******** لنـه يخـون وعادتـه خوانـي

يومي انا بمواعده كذبتـه ******** خبـري معـي ينصـاب بالنسيانـي

مـن يومهـا والحـظ لاقربتـه ******** يزيـد همـي يكثـرً احزانـي

الوقت واصحابي ومن صاحبته ******** سوى سوى مافيهـم البطرانـي

الكل منهم سابـقً ساعدتـه ******** ومّعـه اتعامـل عملتـي لخوانـي

ولحاجتي مافيهم الي شفته ******** غابـوا ومرسولـي لهـم ماجانـي

بالطيب اعامل صاحبً صاحبته ******** طبعي وعاجبني وانـا الكسبانـي

والآنيه عقلي حسـب معرفتـه ******** نضاحـةً بالـي بهـا مليانـي

والفرق انا مابينهم جاوبتـه ******** فـرق البشـر بالمعـدن الجوانـي

يبقى الوضيع بحالته واشرعته ******** الريح تلعبـه وضيـع الشانـي

لوكان وقتـه يرفعـه بزمنتـه ******** الطبـع غالـب والتطبـع فانـي

وتعامله دايـم ورى منفعتـه ******** وكرامتـه سهلـه ثمنهـا دانـي

ولا العزيز انعاشها بذرعته ******** وقسـى زمانـه قسـوة الصوانـي

يبقـى عزيـز وعزتـه رافعتـه ******** لـون وقتـه قفـل البيبانـي

وعز الصداقه نفسه مطبعتـه ******** ودون الكرامـه بانـي الجدرانـي

والفرق اضني بينهم وضحته ******** ذهب نحـاس اثنينهـم صفرانـي

نقطه وموضوعي ترى جنبتـه ******** بقّفلـه وارجـع بوقـتً ثانـي


للشاعر ((بقــايا انســـان))
فلاح الجحجاح