قـــــــــــــ ص ــــــــــة قصيـــده!!

هَذَيَآنْ حَرْفـــْ · 31-12-2007, 03:00 AM

منور اخوي فدوة
الف شكر لمرورك العطر
اتمنى منك المشاركه

فدوة عيونك · 31-12-2007, 03:51 AM

كان يا ماكان ... (3)

بسم الله الرحمن الرحيم
صباااااااااااااحكم ورد وصفاء

عندي لكم قصة .. يمكن الكل منا يسمع كلمة ((طير شلوى))
دائما تقال للرجال الطيب والكفو
عاد انا بذكرها لكم هنا وابيكم تعذروني اذا نسيت من تفاصيلها شي

------
هذا سلمكم الله فيه ثلاث اخوان هويش وهيشان وعدامة طردا بالعمر واكبرهم شويش .. توفي ابوهم وهم صغار وبعده بفتره توفيت امهم وكانت جدتهم ترعاهم بعد وفات والدهم ووالدتهم .. لكن قصور الحال عندها وقلة الحلة وانها كبيرة سن .. صاروا الناس يتصدقون عليهم ويشوفون بعض حوايجهم .. وسمع بسالفتها ابن جربا (من شيوخ شمر) وحط لها بيت قريب من بيته وصار يشرف على العيال .. عاد العجوز تسميهم طيويرات لصغر سنهم .. واذا جت تسأل عنهم تقول ما شفتو طويراتي فكان اسم العجوز شلوى .. فكان ابن جربا اذا جا وقت العشاء يقول وين عشى طويرات شلوى واذا جا وقت الغداء يقول نفس الكلام .. والمهم انه كبروا العيال وصاروا رجال ولهم القدرة على القتال والنزال .. وبعد فترة امحلت ديار النفود(يعني خلص عشب الارض) .. وكان ابن جربا يسكن اقصى النفود ورى الجوف اول حوله .. واضطر الجربا يرحل هو وجماعته حول ديار الاتراك .. ويوم دروا الاتراك قالوا لازم تدفعون الودي << زي الضرايب .. طبعا لقلة حيلة ابن جربا وربعه (كونهم قليلين) وافقوا على الودي .. بعد فترة ماهي طويلة ارسلوا مرة ثانية يقولون نبي ندبل عليكم الودي يعني(كثره مرتين) ولقلة الحيلة وافقوا .. لكن ما اكتفوا بالضريبة وبعد فترة قصيرة ارسلوا يقولون نبي خاكور (يبون حريمهم) الى دون هالحد يصبر الحر .. طبعا ما يقدرون يرحلون لانهم محاصرين من الاتراك .. .. اجتمع ابن جربا وجماعته مايدرون وش يسوون ..
وانشد واحد من كبار السن عندهم وقال :
هنيكم ياساكنين(ن) بحدري القاع**مامركم ودي(ن) تقفاه خاكور
هنيكم متم بحشمة(ن) وبزاع ** ومامن عديم ينغر الثور

8
تفسير الابيات
يقصد جماعته الي بقيعان النفود (يقول ماوخت عليكم الودي ولا طلب منكم خاكور)
ويقول متى يتحرك الثور وتقوم القيامة (يعني الموت ولا هالطلب)

*****
يوم درى شويش(اكبر الايتام) بالسالفة قال انا لها وانا طير شلوى
وخذا السيف والشلفاء وركب فرسه وهجم على الاتراك لحاله (كان يريد الموت) والاتراك يوم شافوه يقطّع بروس اخوياهم(الجيش) طارت عيونهم من شجاعته .. وهرب اكثر الاتراك .. ولحقوه اخوانه هيشان وعدامة .. ولحقوا فيهم الباقين من جماعة الجربا .. وفرقوا شمل الجيش (الله الي نصرهم) سبحان الله .. وصارت بيدهم الغنايم والركايب والخيول
ويوم رجعوا لربعهم وكان ابن جربا موجود والشايب الي قال القصيدة موجود .. قال من الي مات .. قالوا شويش<< بشوفون وش يقول (ولا شويش مامت)

يوم قالوا مات شويش قال الشايب:
قالوا شويش وقلت لا لا عدامة ** او زاد هيشان زبون الملاليش
ماهو ردي بمدبرين الجهامة ** لكن هوش شويش يالربع ماهيش
يوم شويش حزم راسه نهار الكتامة ** دبر ضنى الفلا ن وحمر الطرابيش
يوم شويش مثل يوم القيامة ** بالله عليكم يالربع لا تحكون بشويش
شرح الابيات: << ولو انه من الاسفاف شرح القصايد
((يقول انه قالوا شويش وكان متوقع انه شويش يموت او احد اخوانه .. ماهو ردى بشويش لكن انه مافيه مثله الهوشه(مقدام) ويقول انه اعدم نسل الفلان والاتراك ويقول انه يوم شويش نهاية الدنيا عنده ويقول لا احد يطري شويش عندي من الحزن))

يوم سمعوا القصيدة قالوا له ترى شويش حي وابشر به
وطلع عليهم شويش

.. وهذا سبب تسمية طير شلوى
اتمنى ان تكون القصة مفهومة (اخاف اني ما اعرف اقص القصص)
تحيايي
فدوة عيونك

فدوة عيونك · 31-12-2007, 03:53 AM

اقتباس:

المشاركة الأصلية كتبت بواسطة حلابيت [عزيزي الزائر يتوجب عليك التسجيل للمشاهدة الرابطللتسجيل اضغط هنا]

منور اخوي فدوة
الف شكر لمرورك العطر
اتمنى منك المشاركه

هلا بك اكثر ..
من اليوم انا اكتب ..
على الله تكون القصة تبيض الوجه

تحياتي ..

هَذَيَآنْ حَرْفـــْ · 31-12-2007, 04:01 AM

رائعه
الف شكر لك اخوي فدوه
وانا من زمان اسمعها بس ماكنت اعرف اش السبب
قصه مشوقه من جد
اكرر شكري
ومنور بقوه

فدوة عيونك · 31-12-2007, 04:10 AM

النور نورك بلا شك

M!ss Cute · 31-12-2007, 04:11 AM

لووووووووووووووووووول فدوه بجد روووعه امي تسمي سواقنا بطير شلوى
لانوه دايمن في مطوعتها عكس اخواني لووووووووول

فدوة عيونك · 31-12-2007, 04:13 AM

8
هههههههههه
عاد انتي سميه شويش واذا قالت لك امك ليش قولي هو طير شلوى

فدوة عيونك · 10-01-2008, 03:26 AM

كان ياماكان ....(4)
وهذي قصة رقم 4

هذي القصة للشاعر الكبير محمد العبدالله القاضي رحمه الله
وكان الشاعر لا يكتب الا بالغزل
ولم يتطرق الى اغراض غير الغزل
واكن حوله ناس من ربعه وتحدوه يجيب قصيدة بوصف القهوة
بدون ما يتطرق للغزل
قال وش لي ان جبتها
قالوا لك الي تبي
ويقال انها خطة من الامير على شان يجوزه بنته (لانه يدري ان بنته عاشفة القاضي)
طبعا عشق شرف لانه في ذاك الوقت البنت تقول لابوها من هو الي ببالها
وكان القاضي ايضا عاشق البنت بس خايف ابوها يرده لانه كان متزوج
المهم الرجال جلس حول النار لحاله وبعد شوي
بداء بالقصيدة وكل شوي يعطيهم ثلاث ابيات
يامل قلبن كـل مـا التـم الاشفـاق
من عام الاول به دواكيـك وخفـوق
كنَه مـع الـدلاَل يجلـب بالاسـواق
وعامين عن معزًل الوسـط ماسـوق
يجاهد جنودن في سواهيج الاطـراق
ويكشف له اسرارن كتمها بصنـدوق
دنَيت لي مـن غالـي البـن مـالاق
بالكف ناقيها عن العـذف منسـوق
احمس ثلاثن يانديمـي علـى سـاق
ريحه على جمر الغضى يفضح السوق
وايـاك والنيـه وبالـك والاحـراق
واصحى تصير بحمسة البن مطفـوق
اليا اصَفر لونه ثم بشـت بالاعـراق
صفرا كما الياقوت يضرب لها اللوق
واعطت بريحن فاخـر فاضـح فـاق
ريحه كما العنبر بالانفاس منشـوق
دقه بنجـرن يسمعـه كـل مشتـاق
راع الهو يطـرب اليـا دق بخفـوق
لقَـم بدلـة مولعـن كنهـا ســاق
مصبوبتن مربوبتـن تقـل غرنـوق
خله يفوح وراعـي الكيـف يشتـاق
اليا طفح له جوهرن صـح لـه ذوق
زلها على وضحن بها خمسة اونـاق
هيلن ومسمارن بالاسباب مسحـوق
مع زعفرانن والشمطري اليا انسـاق
والعنبر الغالي على الطـاق مطبـوق
فليـا اجتمـع هـذاوهـذا بتيـفـاق
صبه كفيت العوق عن كـل مخلـوق
بفنجال صينن زاهين عنـد الارمـاق
يغضي بكرسيه كما اغضاي غرنـوق
اليا انطلق من ثعبتـه تقـل شبـراق
رنقن تصوَر للحمامه علـى الطـوق
شَكَل على الفنجال لونهـا ليـا راق
دم الغزال اليا انمـزع منـه معلـوق
خمرن ليا منـه تسلسـل بالاريـاق
وعليه من ماء صافي الورد مدلـوق
راعيه كنَـه شاربـن ريـق تريـاق
كاس الطرب وشرور من ذاق له ذوق
..........
بعد هذا البيت طلعت البنت على اساس انه الشاعر يتغزل بها ويخسر الرهان مع ابوها
والمهم كمل الشاعر البيت:
يحتاج من بيض العذارى ليى فـاق
غرو(ن) تمز اشفاه والعنـق مفهـوق
عبثن يعيـل بحبتـه مابعـد مـاق
وهـو يزاهـي البـدر بشـفـوق
بين اشفتاه اليا غنج حقَـاق بـراق
عجلن رفيفه باطنها الفرج بطبـوق
سطرن كتب من حبر عينه بالاوراق
خديه صادين ونونيـن مـن فـوق
كن العرق بخدودها جمـر الارنـاق
ينثر على الوجنات باللون معشـوق
اليا ابتسم شـع واشـرق بالآفـاق
نوره يفوق البدر سحرن ومنطـوق
بالعنق كن المسك والـورد بـراق
شخصن بصدره وذا الشاخ مدقـوق
يمشي برفقن خايفن مدمج السـاق
يفصم حجولن ضامها الثقل من فوق
اليا حصل لك ساعتن وانت مشتاق
اقطف زهر ما لاق والعمر مفهـوق
فليا حضر ماقلت عنـدي فـالازراق
بيد كريمـن كافلـن كـل مخلـوق
وصلاة ربي عدد ما بارقـن حـاق
على النبي الهاشمي خير مخلـوق

وبكذا الشاعر قال الغزل وخسر الرهان
وصار عليه الحق
قالوا عليك عشى اهل عنيزة
قال تم (لانه بيت الغزل فيها يسوى كثير)

قال ابوها مادامك تبي تعشي اهل عنيزة تراها جتك بنتي حليلة لك
قال تم وخذاها

واعذرونا اذا القصة بها اختلاف لاني سمعتها من الشيبان كذا
وقريتها غير كذا

فدوة عيونك
10/1/2008م
3.24 ص

هَذَيَآنْ حَرْفـــْ · 10-01-2008, 06:30 PM

ههههههههههههههه
صدق من قال
ان كيدهن عظيم
هههههههههه
روووعه الف شكر لك اخوي
ع تفاعلك ومشاركاتك الفعاله

هَذَيَآنْ حَرْفـــْ · 12-01-2008, 05:29 PM

كان ياماكان ...(5)
بقلم ... [عزيزي الزائر يتوجب عليك التسجيل للمشاهدة الرابطللتسجيل اضغط هنا]

يقول الراوي

حرص شاعر الغزل محسن الهزاني قبل قرنين من الزمان على ابعاد ابنه الصغير عن هذا المجال ،

فكان يغلق عليه البيت حتى كان ذلك اليوم الذي رأى فيه الطفل فتاه جميله من بنات جيرانهم اتت لأمه كي تسرّح شعرها،فسأل امه .....ماهذا ؟

فقالت الام: كي تبعده عن الاعجاب بالفتاة: هذا رأس الذئب!!!

فقال الطفل معلقاً:

الذيب ماله قذلةٍِ هلهليـــــه
ولاله ثمانٍ مفلجاتٍ معاذيــــــــب

والذيب ماتمشطه بالعنبريــــــــــــه
لاواهني من مرقده في حشا الذيـــب

فذعرت الام مما قال الطفل الذي لم يختلط بالنساء ، ولم يصل بعد لمرحلة التغزّل بهن، ولكنها عوامل الوراثة من الاب الذي حرص بعد ذلك ان يذهب بطفله الى (( المطوع )) علّه يتعلم شيئاً ينفعه ، وعندما راجع المطوع حروف الهجاء مع الطفل فوجىء باجاباته ،

فعندما قال له ((ألف)).. رد الطفل:

ألفٍ وليف الرووح قبل أمس شفنـاه
غروٍ يسلي عن جميع المعـــــاني

فقال: (( قل باء)) ، فأجاب الطفل:

الباء بقلبي شيد القصـر مبنـــاه
وادعى مباني غيرهم مرهمـاني

فغضب المطوع وقال قل (طاء ياطفل) فأجاب :

الطاء طواء قلبي من البعد فرقــــاه
وياجعل يطوي قلبك الي طوانـــــي

زهق المطوع وقال (( انقلع الله يكفيني شرك وغد .. ))

ولما جاء أبوه ياخذه من عند المطوع أخبره المطوع باللي صار وقال :أغسل أيدك منه .. ولدك هذا مابه طب

وأقتنع أن ولده (مولي .. بالغزل .. يعني .. مولي) وأول ما صار شاب زوجه ( راس الذئب)

وسلامتكم