جلست أبكي بعد موته ... وكيف أصبر على فرقاه <==== أنشودة رائعه

رحـل عـنّـي وخـلانـي أعـيـش بـذاكـرة دنـيـاه .. .. توفـي بليلـة الجمعـه بشهـر شعبـان هالحـالـي

جلست أبكي بعد موته وكيف أصبر على فرقاه .. .. جـنـونٍ صابـنـي لآجـلـه رفيــقي أول وتـالــي

أسلّي روحي مع ذكـراه لوحدي بـسّ أنـا وإيّـاه .. .. ولا مــرّه شـعـرت إنّــه يشـيـل بقلـبـه الـغـالـي

بعَد مـا هالخبَـر جانـي لهـا فكـري علـى ذكـراه .. .. ذكـرت مزوحَـه وحكـيـه.. سواليـفـه بجـوّالـي

وعيني تسبَـح بدمعـي مثـل كَـاسٍ نَضّـــح مَـاه .. .. وحتّـى بَسمـتـي عـيّـت تبـيـن بـكـلّ الأحـوالـي

وصوتـه تعشقـه أذنـي وبالـمَـرّه بـعَـد تـهـواه .. .. أبتخـيّـل أنــا مـوتــه أحـسّــه جـالــس قـبـالـي

ولـو طالعـت بعيونـي عـلـى أيــة مـكـان ألـقـاه .. .. أشوفه قاعد وواقف ويمشي "صـار يوَرّالـي"

أنـا أشهـد إنّ أبـوه اللّـي بايديـه الطيّـبـه ربّــاه .. .. جميـع الـنـاس يحبّـونـه وربّ الـكـون رجّـالـي

لفانـي قبـل ثالـث يـوم وشفتـه يبتـسم بشفاه .. .. كـأنـه جــاء يودّعـنـي وداعــه آخــر وصـالـي

وسافر عنّي والمكتوب لـه مـن ربّـي مـا خـلاه .. .. ملك هالموت أخـذ روحـه بليّاهـا الجسـم خالـي

عسـاه برحمتـك يـارب أبدعـي لـك ( أيَـا رَبّــاه .. .. تَجَـاوَز عَـن خَطَايَـاهُ وهِـبْـهُ المَـنـزِلَ العَـالـي )

ويارب البشـر عـبـدك شبـابـه مــا بـعـد أفـنـاه .. .. أبيـك تعوّضـه باقـي الشبـاب أرجـوك يا والـي

"قـسـم بالله يــا تـركي وأكـررهــا قـسم بالله .. .. كرهت الدنيا مـن بعـدك كرهـت العيشـه لحالـي

عهد منساك يـا تركـي وحبّـك مستحيل أنساه .. .. تراك بداخلـي تسكـن وكـل لحظـه علـى بالـي"