للـــــعـــزابــ فــــقــــط .. ممنوع دخول المتزوجين..

بسم الله الرحمن الرحيم

ادخل في الموضوع على طول
خلال هاليومين اللي زلت
يعني اللي راحت قعدت
سؤال الاوهو؟؟؟
اجمع حروف لين كونت

سؤال لكل عزاب... ينسدح
بالملحق؟؟؟

هل تنام على بطنك؟ او
تخم الوساده بالليل؟ او
تعفس الكنب وتعضه
وتسعبل عليه وانت نايم... او
تنام في الشوارع كانك قطو.. او
تنام على الكنب وانت تقرأ الجرايد
او تنام ويطلع سرك ستر الله سرك.

اذا كانت الأجابه بنعم فإن
كل هذه اعرض لرغبه جامعيه
وكامنه بالزوج وان ما تلاحقت
عمرك راح يجي اليوم
اللي يقول فيه الوالد
لك: (الله لايبارك في اليوم اللي
جبنا فيه الشغاله)
....







لاتتخذ قرار الزواج إلا وانت
في حاله هدوء تاااااااام بعيدا
عن الأثار والعواطف الجياشيه..

مو تشوف فيديو كليب بعدها
تطمر لأمك وانت مشبك
اصابعك وتقول
( دورولي ابي اعرس).
ابي اكمل نصف ديني.

......

اولا: مرحله ماقبل الزواج:
كيف تعرف انك استويت
عزيز الشاب وحان قطافك
عند الشباب:
1/ اذا بديت تحب الأغاني
وتسمعها بمخمخه وتتخيل
انك تقول الكلام لوحده..
فأعرف انك (قاضي)
فتلاحق عمرك وشف لك
بنت حلال. بشرط توفر الشروط
الأخرى فيك
( وظيفه مناسبه ومبالغ ماليه
لموجهة مصاريف العرس)
التقسيط متاح بدو كفيل
في مؤسسة مباري لعرس
على النوته.
.....
2/ اذا صرت تتابع الفيديو كليب
وتهج اثمك ولويناديك ابوك ماترد عليه.
.....

3/اذا بديت تقول يازين
بيروت وال بي سي
والمسقبل؟ فأعلم اخي
انك لو انتضرت سنتين
ستصدي صوميل ظهرك
وتصير بلا مستقبل.
.....

4/اذا بديت تمشي في الأسواق
وتتمنى البنت اللي قدمك يطيح
اللي هي شايلته
علشان تصدم فيها وتقول
(ليمون نعناعه) فأعرف انك على
مشارف انك تكون(شبهه)
وشهار مايقبلك ولامنتسب.
.....


5/اذا بديت تتعطر بعطور نسائيه
وتقول مافيها شي( العطورات ليست
حكرا على احد)...
فاعرف انك بديت(تخق) لذالك اكرب
عمرك واعرس.
.....

.................................................. .........



ثانيا: اثناء الخطوبه:

1/ انضبط وابد صل بالمسجد.
واجعل المحافضه على الصلاه
تحول دائم من الخطبه
الي اخر عمــرك.
لأن اهل البت بي يسألون
شيبان المسجد ويقولونتعرفون
فلان.. لذالك صل وابدأ (طلطل)
بوجيه المصلين كانك تدور اخوانك
<<<<<<<<< ماأحب هالحركات.
.....

2/ لاتتهيبل وتروح تتسلف سيارة
زميلك( الفخمه) وترزها عند باب اللي
انت خاطب من عندهم لأن الخطيبه
مصيرها تعرف ان السياره مو سيارتك
وبالتالي تطيح من عينها.. بكيفها.
.....

3/ اثناء الشوفه لاتستحي ابدأ وقز
البنت من راسها لرجليها ولايهمك ابوها
واخونها لأن الشرع معك(يدعمك) وان
قالو شيئ.. قل لهم حيدث الرسول
صلى الله عليه وسلم" فلينظر اليها وتنظر
اليه فأنه احرى ان يؤدم بينهما" يعني
بالعربي مسنود بقوه من الشرع.
وكمان قال الشاعر( لسان الفتى نصف
ونصف فؤاده***** فلم يبق الأصوره
اللحم والدم)<<< يضيع مع اللحم في
الضحايا خصوصا الكبده يابعد كبدي
لايرووووووووووووح بالكم بعيد.
.....

4/في لحضة الخطبه ان صار فيه
مكالمات بعد مايوفقون عليك..
فلا تصيرلصقه وعله وريد كل دقيقه
داق على البنت(فينكم فيه)؟ وش سويتوا
اليوم؟ اشتقتي لي؟ وش تسوين؟ انتي
على السرير ولا في المقلط؟<<
يخرب بيت السؤال؟
.....

5/ لو(كتبت كتابك ) على البنت قيل
بفتره وبديت تأثث بيتك.. لاتاخذ البنت
الا علشان تختار غرفة نومها
سسسسسسسسسسسسسسسس وإلا
باقي الاثاث اختاره انت وإلا
خلها هي اللي تختاره كله..
لانكم اذا بديتو تطلعون مع بعض تختارون
الاثاث.. فرح يطلع مشكل تشكيله عجيبه
والوانه كأنها( عصير تكرونيه عند الحرم)..
كذالك اضبط ميزانيتك على مستوى معين
من الأثاث .
يعني.. ما تشتري لي لوحه بـ3000الاف
والكنبات بـ5000الاف..يعني مافيه توزن
وتروح تشتري لوحه ثانيه من (حلة بن دايل)
بــ20ريال ومن ايكيا بـ 150ريال فيصير
بيتك كأنه (حراج ابن قاسم) من كلبحر قطعه
مثل اللي بيتهم من طين وعندهم(رولز ريوس).
.....

6/اياني واياك تظهر بشكل مثالي
في الخطبه بل خلك على طبيعتك
بحيث تقول للبنت هذا انااااا مو
تصير حبيب بالخطبه وصدام بعد
الملكه.
.....
.................................................. .........
ثالثا: ليلة الزواج:
ليلة العمر والليله الوحيده اللي تحس فيها انك اهم
واحد بالأحتفال.. فلاتصدق عمرك ويكبر راسك
خلك طبيعي ولاتكثر من شرب الشاي القهوه ليلة
العرس بعدين تنتفخ مثانيك فتتورط لانه صعب
اذا رحت جلست مع العروس على (الكوشه)..
فجأه تقول بعد اذنك باروح الحمام صدقني
راح تقول البنت اللي هذا اوله ينعاف تاليه
فلنفرض انك قمت من الكوشه!!!!
بعد ماتخلص هل ترجع وتجلس مع العروس
مره ثانيه؟؟ والا بتطلع من هناك؟ بالعربي
انك تبلش بلشه مابعدها بلشه
اما اذا رجعت بيقولون الحريم(جاه اسهال من
الخوف من المدام) اجل اذا راحوا الشقه بالحالهم
وش بيسوي هالخواف؟
فتصير علك في فم الرايح والجاي وملطشه
للصغير والكبير. وياويلك لو صرت علك في
فم الحريم بتصير حديث المدينه..
.....

2/ ليلة العرس ارفق سيارة الرجال اللي انت
متسلفها منه.. لانك ممكن تصدم لانك ماتعودت
انك تكون في سيارة كشخه وجنبك بنت<<<<
وش دراك؟
.....

3/ خلك ذوق واسحب يد البنت وحطها على
(القير حق السياره) وحط يدك فوق يدها ولا
تكثر تفغيص لانك ممكن تتهور وممكن يصير
لك شي والايجيك(شد عضلي) بعدين تصدم
بإشاره>>>> لاحقين خير انشاء الله.. لاتتصربع
الله يطامنك باسمه..
.....

4/ اذا جيتو تدخلون البيت.. افتح الباب وخلها تدخل قبلك
وامزح معها شوي (خشي برجلك اليمين)
وبعد ما تدخل ( ارقع ) بذيك الزغروته اللي
تهز اركان البيت .. ثبت الله اركانك.
.....

.................................................. .........
رابعا: اتبه سوليف ليلة العرس:
الكثير من الشباب في اي الموضيع يطرح في ليلة
الزواج . وبرأيي انه بالأمكان طرح مواضيع تتعلق
بذكريات الخطوبه.. والأبتعاد عن الموضيع الرسميه
بمعنى تجنب الأتي...
1/ انتبه تتميلح اوتنكت اكثر من اللزوم لا الموضوع
سينقلب ضدك وبدل ما تصير وش زينك تصير(كخا).
.....

2/انتبه تجيب طارئ (امك) ليلة العرس وتقعد تقول
لبنت الناس من اول ليله (انا بصراحه امي اغلى امراه
عندي في العالم).. انا امي بصراحه ابيك تشيلينها فوق
راسك. انا امي بصراحه ما ابي احد يزعلها. انا امي
بصراحه مالها غيري.. الله يرجك انت وامك وياخذ
ابليسك وانت وامك . لا هالحين ادخل وامغطك
بالعقااااال<<<<<< معصب احيانا بدون سبب مقنع..
ما عليه رجعت طبيعي.. نكمل..
مافيه شك ان الأم قدرها غالي ومكانتها غضيمه
بس لك مقام مقال.. فما فيه مناسبه انك تجيب طارئ امك
ممكن تأجل موضوع امك ليلة اخرى.
.....

3/ امدح مكياج المدام وفستانها لانها تعبت شهور حتى
تظهر بهذا المظهراللي انت تتمتع فيه انت وعيونك المغمضه
حتى لوكنت ( كمخه وشين) في موضيع الذوق واللبس ولاتفهم
فيها شيء امدح وخلك عباراتك فيها صدق بحيث تكون( الكذاب
الصادق).. فهذا من شأنه انه يحسس المدام انها جميله بعينك
ويرفع روحها المعنويه ويخليها تهضمك ياابو كوع (بني) مفروك
لين قال بس فتغير من اسود الى بني.
.....

4/ انتبه ثم انتبه انك تصيرعاطفي واتخق من اول ليله تقول
( بصراحه انااحبك وميت فيك).. لأنها مؤكد انها مو مصدقتك
( ما امدى بسم الله تحبها). بصراحه كثير من الشباب محروم
من ( كل شيء) <<< وافهموها عاطفيا.. و...و. واول مانلمس
يد تختاف عن يد صديقك(الضب) نخق بسرعه نسعبل
ونقول:آآآه الله لا يحرمني منك.احبك احبك احبك.. ويمكن بعد
اسبوع اكرهك اكرهك اكرهك>>>.ياااااااااااااااي.
.....

5/ خلك ثقيل وخلي سلوكك هو اللي يقول للبنت اني احبك
مو اساليب (قردنه) احبك بعدين تقول لها( وش رايك نلعب
عريس وعروسه)
ترى هالحركات ماتمشي على البنات التاليات.
معاني الكلمات:
قردنه: محاوله اقناع جاده يتخللها وضع اليد
على الكتف مع تنزيل الراس
وكأنك بتقول سر للطرف الأخر مع الأتجاه(القردنه)
الغرفه.
.....
.................................................. .........
خامسا: ملابس ليلة العرس
1/ بعد ماتفصخ ثوبك وشماغك وعقالك.. وتروش
الله يصلحك لانه ممكن ريحتك من كثر السلام و القلق
اللي عشته في قصر الأفراح ولايهمك انك راش لك
كم( بخه) على الشعر اللي بصدرك ورازن بها.
تنظفوا(ابتل) اعلمكم هماااااااااااااه؟
بعد الأنتهاء انتبه تلبس ملابس تضهر مفاتنك.. مثلا
تجي بلبس داخلي وفانيله علاقي وتصير كانك من
ذولاك المصاريه اللي اسود وابيض ويتطببون في
المسبح في نادي من جماعة (هااااااااااااي شله)..
.....

2/انتبه تصير قروي وتلبس سروال ابو حبل ذاك اللي
يخليك كأنك بقره رايحين يبيعونك. اوبيجامه نوم مخططه
فتصير كأنك(حمار وحشي) يتكلم عربي.
اختر اللبس المناسب لجسمك..
مثلا شورتات رياضيه اذا كان جسك رياضي.. والا اذا
كنت (<دب>) فخلك بالعقال والشماغ والثوب استر لك
وغير ملابسك اذا نامت المدام..
وفأجأها في الصباحيه..
واذاكنت سمين البس ملابس فضفاضه شورت وفانيله
xxxL << انتبه ترى ما اقصد القناه.
.....

3/للأحاطه فإن قمصان النوم النسائيه (مشققه) وشفافه
وكلها حركات.. انتبه يسول لك ابليس الملعون بلا في شكله
وتقول( اففف البنت خربانه) من هالحين لبست كذا؟؟
ترى الموضه كذاااا وتطوروا بأأأأأأأأأأأأ عجزت اعلم فيكم.
اذا لبست لك المدام ( قميص نوم راااااايق) ترى مومعناها
(طـــب علـــــي)..
خلك ثقيل والاجيت هالحين اربط ثقالات برجليك.
ترى سمعت بقصة ان واحد طلق الزوجه في ليلة الزواج
بعد ما شافها لبست له ( لبس مشخلع).. قال العم: اكيد انها
داشره؟ وحركاتها ماني متطمن لها<< طيب يا كو لومبو احتتمت.
(كبدي) يوم سمع القصه من القهر.
.....
.................................................. .........
سادسا: الخطه المحبوكه للقاء الحميمي:
1/حذاري ثم حذاري وهاذاني اقولك (حذاري)
تتحرش بالبنت حتي لوكانت زوجتك فكما يقال
(احذر ان تبدأ حياتك الزوجيه بحادثه اغتصاب).
لان البنت مو معنى انها صارت زوجتك وكتبت
هالوريقه يعني انهات فصخت الحياء وتبيها تصير لعبه
بين ايديك.
.....
2/ اجعل بدايه حياتك الزوجيه قصه رومانسه
متعددة الفصول.. ليلة الزواج تكون بمثابة لقاء بين اثنين
للتعارف مافيه الأ الحديث واذا كثرت امسك يدها ولا
تتعدى لا شياء اخرى..
عسى يدك الكسر (ممدين) همااااااه.
.....

3/ اليوم الثاني: انتبه تستقبل اية زياره من الأهل.. او من اهلها
واعزمها في مطعم راقي ولا تجلس تجرجر بالبارتشنز
وتقعد تناضر فيه فتحه صغيره مع هالجهه او مع ذيك..
وتسدد فيها وتصير كأنك مهندس( صناديق حمام).
اركد وخلك طبيعي والاقالت البنت وش (هالعومه).
.....

4/ في ليلة اليوم التالي غالبا يكون في عشاء عند اهل الولد
تعشوا واطلعو ورح انت وياهاااا(كوفي شوب) وانتبه
تقرأ الجرايد او المجلات. وعطها وقتك كله.
.....

5/ اليو الثالث:
حاول تسافر بها عمره بعدين ودها مدينه جده( لسكان السعوديه)
او مدينه اخرى لسكان الخليج.. او (لقريح وابو زنه لباقي الدوله)
.....
6/ اللقاء الحميمي لايمكن تحديد الوقت المناسب له..
بل يعتمد على الضروف والتي لايمكن ان اعرفها فأنت
الذي في ارض المعركه. فحدد انت؟
لانه لايمكن يجي احد يحارب عنك.
واللي مايجي اليوم .يجي بكره
.....

.................................................. .............................................

بااااااااااااااااااااااااااااااااااااي
عزووووووووووووووووووووووووبي