انا قلبي مثل قبري ولايمكن يشيـل اثنيـن

انا قلبي مثل قبري ولايمكن يشيـل اثنيـن
انا روحي معلقهـا بحبـك فـي شرايينـي

كتبت الشعر لعيونك وانا مالعب على الحبلين
تركت الطيش لعيونك واكيد انتي تعرفينـي

اعرف انك مزاجيه ولك حاجه من الثنتيـن
تعيش بحب صادق ياتموت اليـوم ناسينـي

انا ماني على خبرك اموت بطعنت السكيـن
انا سلطان يابنت الرخاء واهلـي سلاطينـي

تعاهدنا على الحب الحقيقي وافهميني زيـن
تصونين العهود ولا يجي يـوم وتخونينـي

ابيك تحبني حبـن حقيقـي لجلـه الغاليـن
يعرفون الهوى في وسط قلبي من نظر عيني

وابيك تلمني في محجر عيونك برمش العين
وابيك تحطني في وسـط قلبـك لاتخلينـي

اضيع بدنيتي تايه ولا اعرف وين دربك وين
واضيع بعالم النسيان وانتي شمعـة سنينـي

يالبى حبة الخاله لاكانت بين خشـم وبيـن
مابين الخشم والشفه تجـي حبتـه ياعينـي

لها عينن مثل عين الصقور مورد الخديـن
لها صدرن به السلسـاال كملتـه بعقدينـي

أميرة قلب مشعل توها في زهرة العشريـن
قمر خمست عشر ساطع على كل المزاينـي

وانا قلبي مثل قبري ولا يمكن يشيل اثنيـن
انا روحي معلقهـا بحبـك فـي شرايينـي